"Taluq toor mat dena"
Hazaroon duriyaan aayen...
Baharien aaker kho jayen...
Mera chehra bhula dena...
Mere yadien bacha lena...
Jo lamhe dard dete hoon...
Unhien beshak bhula dena...
Jo lamhe aas dete hoon...
Unhe dil se laga lena...
Kahien bhi door reh lena...
Magar in doriyoon ko tum bahana na bana lena...
Taluq toor mat dena......
*************************************************
Mohabbat jeet hoti hai...
Magar haar jati hai...
Kabhi dil sooz lamhoon se...
Kabhi bey-kaar rasmoon se...
Kabhi takdeer waloon se...
Kabhi majboor qasmoon se...
Magar ye haar jati hai...
Kabhi ye phool jaise hai...
Kabhi ye dhool jaise hai...
Kabhi ye chand jaise hai...
Kabhi ye dhoop jaise hai...
Kabhi masroor kerte hai...
Kabhi ye roog dete hai...
Kisi ka chain banti hai...
Kisi ko rool dete hai...
Kabhi lay paar jati hai...
Kabhi ye maar jati hai...
Mohabbat jeet hoti hai...
Magar ye haar jati hai...
*************************************************
Ek mulaqat udhorri reh gai hai...
El baat udhorri reh gai hai...
Yun kho ker tujhe zinda hoon magar...
Ek zaat udhorri reh gai hai...
Wo jeet mukamal na ho saki...
Wo haar udhorri reh gai hai...
Ek seher guzrri hai aankhoon mien...
Bus raat udhorri reh gai hai...
*************************************************
Sorry SMS Jokes
Tabeer jo mil jati to aik khawab bohat tha...
Jo shaks ganwa bethe wo nayyab bohat tha...
Main kaise bacha leta bhala kashtiye dil ko...
Darya-e-mohabbat mien sailaab bohat tha...
*************************************************
Aa dekh dil ki nagrii hai uddas tere bin...
Bujhti nahi hai aankhoon ki pyas tere bin...
Zindagi mien to aansoon k sailaab hien...
Karoon kaise khushiyoon ki talash tere bin...
*************************************************
Karon to kis lye aakhir malal us ka...
Use nahi to mujhe bhi nahi khayal us ka...
Mere wafa ne banaya hai bewafa us ko...
Kisi ada pe nahi hai kamal us ka...
Mere naseeb ki ye bhi to khushnaseebi hai...
K mujh ko dekh k saab poochte hien haal us ka...
Mere arooj ko us k naseeb mien likh de...
Khuda-e-Pak mujhe sounp se zawal us ka...
*************************************************
Saath betey howe lamhon ki nishani ban ker...
tum bicher ker bhi ho in aankhoon mien pani ban ker...
tum zamne ki nazar mien juda lakh sahi...
tum shamil ho meri nas nas mien rawani ban ker...
*************************************************
Dil husn k sholoon se jala kyoon nahi dete...
Tum mujh ko mohabbat ki saza kyoon nahi dete...
bhegi hoi palkoon se guzer jate ho chup chap...
Jo dil pe guzarta hai bata kyoon nahi dete...
Ro ro k shab-e-hijr guzaroo ge kahan tak...
Tum un ki mohabbat ko bhoola kyoon nahi dete...
Ae phool se chehro zara itna to bata do...
Tum zakhm to dete ho dawa kyoon nahi dete...
Wo dard jo seene mien chupa rakha hai...
Us dard ko aashkoon mien baha kyoon nahi dete...
*************************************************
Wo na aaye un ki yaad aaker wafa ker gai...
Unse milne ki tamana sukoon tabah ker gai...
Ahat hoi soocha asaar dua ker gai...
Darwaza khoola to dekha mazak hum se HAWA ker gai...
*************************************************
Laghzishon se marwa tu bhi nahi main bhi nahi...
donoon insaan hien Khuda tu bhi nahi main bhi nahi...
Tu mujhe aur main tujhe ilzaam dete hien magar...
Aapne ander jhankta tu bhi nahi main bhi nahi...
Maslehat nien ker dia donoon mien paida ikhtalaaf...
Warna fitraat ka bura tu bhi nahi main bhi nahi ...
Mukhtalif simtoon mien donoon ka safar jarri raha...
Ik lamhe ko ruka tu bhi nahi main bhi nahi...
Chahaty donoon bohat aik doosre ko hien magar...
Ye haqiqat manta tu bhi nahi main bhi nahi...
*************************************************
Kash koi hum pe bhi pyaar jatata...
Humari aankhoon ko aapne hathoon se chupata...
hum ghabra ker poochte koon ho tum...?
Muskaura k wo aapne aap ko humarri jaan batata...
*************************************************
Kisi koi mere yaad aaye ek arsa howa...
Koi hai heraan to koi hai tarsa howa...
Is tarha khamosh hai ye dil ye aankhien mere...
Jaise khamosh ho koi badal barsa howa...
*************************************************
Urdu Friendship SMS
Na peeny ka shooq tha na pilane ka shoq tha...
humien to sirf nazrien milane ka shooq tha...
par kya karien nazrien he unse mila bethe...
jinhe nazroon se pilane ka shooq tha...
*************************************************
Main chahata bhi yehi tha wo bewafa nikle...
Usse samjhane ka koi to silsila niklae...
Kitab-e-mazii k panay zara ullat k dekh...
Na jane konsa safha murra howa niklay...
Jo daikhne mien bohat qareeb lagta hai...
Ussi k bare mien socho to fasle niklien...
*************************************************
Muddat se door the hum aur wo...
Ek zamane k bad milna acha laga...
Saghar se gehri lagi un ki aankhien...
Tairna to aat tha hume par doobna acha laga...
*************************************************
Aakash ki chilman se sada Q nahi aati...
Ek habs ka aalam hai hawa Q nahi aati...
Sab ehl-e-janoon bazm se kehte howe nikle...
Tere sheher k logoon ko wafa Q nahi aati...
*************************************************
Ankhoon ka rang, baat ka lehja badal gaya...
Wo shakhs ek sham mien kitna badal gaya...
Shaied wafa k khayal se ukta gaya tha wo...
Jo manzil k pass aaker rasta badal gaya...
*************************************************
Kisi k yun bicharny se kisi ki yaad aane se...
Bohat se loog roote hien k rona aik rawaiet hai...
Main rawaiet toor jata hoon...
Uski yaad aane pe akser muskurata hoon...
*************************************************
Dard ko bhi ab dard hone laga hai...
Dard aab humare seene mien chup k rona laga hai...
Na roye kabhi hum dard ko dekh ker...
Per aab dard humien dekh k rone laga hai...
*************************************************
Us se juda rehna azaab lagta hai...
Uske pass rehna bhi khawab lagta hai...
Her waqt kerta hoon us k naam ki tasbeeh...
Use yaad kerna bhi sawaab lagta hai...
*************************************************
Guzer jaien ge un k wo pal ache...
Jinhe hum intezaar aur wo waqt kehte hien...
Kya pata koon bhool jaye ye mohabbat...
Jise hum zindagi aur wo aik lafz kehte hien...
*************************************************
Hum the humare saath koi aur na tha...
Aankhoon ne aisa manzer kahien dekha na tha...
Uske to ang ang mien jalne lage diye...
Jado hai mere hath mien mujh ko pata na tha...
Wahan pe haad koi rehte kis tarha...
Rukne ko keh raha tha magar rukta na tha...
************************************************
Dasht mien pyaas bhujate howe maar jate hien...
Hum jaise parinde kahien jate howe maar jate hien...
Hum hien sookhay talaab pe bethe howe hans...
Jo taluq ko nibhate howe maar jate hien...
Ye mohabbat ki kahani nahi marti laikin...
Log kirdaar nibhate howe maar jate hien...
Hum hien tooti hoi kashtiyoon waley SABI...
Jo kinaroon ko milate howe maar jate hien...
*************************************************
Sabhi jazbaat khayalaat badal jate hien...
Yun mohabbat mien ye din raat badal jate hien...
Pyaar to un ko bhi hum he se hai magar jane kyon...
Hum karein baat to wo baat badal jate hien...
Aarzoo to hai k izhare mohabbat ker doon...
Lafz chunte hien to lamhaat guzer jate hien...
*************************************************
Alfaaz k jhoote bandhan mien...
Aghraz k gehray pardoon mien...
Her shakhs mohabbat kerta hai...
Halaan k mohabbat kuch bhi nahi...
Sab jhotey rishte naate hien...
Sab dil rakhne ki baatien hien...
Kab kon kisi ka hota hai...
Sab asli roop chupate hien...
Ehsaas se khali loog yahan...
Lafzoon k tir chalate hien...
Ek baar nazer mien aaker wo...
Phir sari umer rulate hien...
Alfaz k jhote bandhan hien...
Kab kon kisi ka hota hai...
Sab dil rakhne ki batien hien...
*************************************************
"MOHABBAT"
Mohabbat khawab hoti hai...
Mohabbat baat hoti hai...
Agar koi pooch baithe to mohabbat raaz hoti hai...
Machatti hoi umangooon ka suhaana khawab hoti hai...
Agar koi dhoondna chahe to mohabbat NAYYAB hoti hai...
Mohabbat yun bhi hoti hai karb-e-zaat hoti hai...
Mohabbat phool hai shaied...
Ghamoon ki dhool hai shaied...
Kisi ka saath hai shaied...
Chamakti raat hai shaied...
Mohabbat pur-sukoon bhi hai magar betaab hoti hai...
Agar na mile to mohabbat AZZAB hoti hai...
*************************************************
Tumhe bakhshi hai dil pe hukmarani aur kya dete...?
Yehi thi bus humari rajdhani aur kya dete...?
Sajja k sir hatheli par gaye the ku-e-jana mien...
Hum aapne ishq mien un ko nishani aur kya dete...?
Wo hum se mangte the umer ka aik dilnashin hisa...
Na dete us ko hum apni jawani aur kya dete...?
Sitaroon se kisi ki mang bharna ek fasana hai...
Yumhare naam likh de zindagani aur kya dete...?
*************************************************
Phir chand nikla,
Phir raat thami,
Phir dil ne kaha,
Hai "TERE KAMI"...
Phir yaad k jhoonkey mehak gaye,
Phir pagal arman behek gaye,
Phir jannat se lagi hai zameen,
Phir dil ne kaha hai "TERE KAMI"...
Phir guzre lamhoon ki baatien,
Phir jage jage se raatien,
Phir theher gai palkoon pe nami,
Phir dil ne kaha hai "TERE KAMI"...
*************************************************
"TUM KO MALUM BHI YE KABHI HO K NA HO"
meri raatien tere yadoon se saji rehte hien...
meri saansien tere khushbu mien basi rehte hien...
mere aankhoon mien tera sapna saja rehta hai...
haan mere dil mien tera aks basa rehta hai...
is tarha mere dil k bohat pass ho tum...
jis tarha pass he shahrug k Khuda rehta hai...
TUM KO MALUM BHI YE KABHI HO K NA HO...
mere aangan mien lagay phool gavahi dien ge...
main ne arse se kise phool ko dekha bhi nahi...
tujh ko soocha hai to phir tujh ko he soocha hai faqat...
tere siva kise aur ko soocha bhi nahi...
TUM KO MALUM BHI YE KABHI HO YA NA HO...
*************************************************
Rukhsat howa to baat mere maan ker gaya...
Jo kuch us k pass tha mujhe daan ker gaya...
Bichra kuch is ada se k rut he badal gai...
Ek shaks saray sheher ko veeran ker gaya...
*************************************************
Mat dekh k koi shaks gunehgaar hai kitna..
Ye dekh k tere saath wafadaar hai kitna..
Ye mut sooch k usy kuch logoon se nafraat bhi hai...
Ye sooch k usse tujh se pyaar hai kitna....
*************************************************
Sham k ujaloon per...
Aapne naram haathoon se...
Koi baat achi se...
Koi khawab sacha sa...
koi bolti khushbu...
Koi soochta lamha...
Jab bhi likhna chahoo ge...
Soch k darichoon se ,
yaad k hawaloon se ,
Mera naam chupke se tum ko yaad aaye ge...
Haath kaanp jaien ge ,
Sham theher jaye ge ,
MERI YAAD AAYE GE
MERI YAAD AAYE GE......
*************************************************
Tujhe uddas bhi kerna tha khud bhi rona tha...
Ye haadsa bhi mere jaan kabhi to hona tha...
Wo mujh ko toor k phir joorta raha akser...
Main us k waste jaise koi khilona tha...
*************************************************
Ajeeb banda hoon khud ko jalana chahata hoon...
Main khud ko rakh ker kahien bhool jana chahata hoon...
Jo mujh se rooth chuki hien zamane ki khushiyaan...
Main bhi aab us khushi se rooth jana chahata hoon...
*************************************************
Wo hum ko pather aur khud ko phool keh ker muskuraya kerte hien...
Unhe kya pata pathar hi rehta hai phool he murjhaya kerte hien...
*************************************************
